Рашэнні па падтрымцы бізнесу, пацярпелага ад COVID-19, зацягнуць да канца года
![Рашэнні па падтрымцы бізнесу, пацярпелага ад COVID-19, зацягнуць да канца года](/sites/default/files/styles/gallery_main/public/2023-08/minfin-2606.jpg.webp?itok=qLcr3dok)
Рашэнні па падтрымцы галінаў, якія пацярпелі ад COVID-19, будуць прымацца на працягу ўсяго года. Пра гэта заявіў міністр фінансаў Максім Ермаловіч у Палаце прадстаўнікоў 16 красавіка.
"Гэтая праца будзе працягвацца да канца года", — перадае БЕЛТА словы чыноўніка. Па яго словах, Мінфін падрыхтаваў ужо каля дзясятка праектаў рашэнняў кіраўніка дзяржавы і ўрада. Яны ўзгадняюцца з іншымі дзяржаўнымі органамі, а некаторыя прынятыя і дзейнічаюць.
Між тым раней прэм'ер-міністр Сяргей Румас казаў, што пакет мер па падтрымцы бізнесу ўрад прыме 31 сакавіка і падасць на зацвярджэнне Аляксандру Лукашэнку. Кіраўнік урада заяўляў, што пакет мераў распрацаваны Мінфінам пры садзеянні з бізнес-саюзамі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.