Актывісты гей-руху зладзілі ў цэнтры Мінска “Дзень маўчання”
Акцыя прайшла ў межах кампаніі “Беларусь без гамафобіі», якая сёлета праходзіць у Беларусі з 9 па 17 траўня.
6 актывістаў ЛГБТ прайшлі ад станцыі метро “Няміга” ўздоўж узбярэжжа Свіслачы праз Траецкае прадмесце да помніка ахвярам Мінскага гета. Там яны ўсклалі кветкі ў знак памяці пра закатаваных падчас вайны прадстаўнікоў сэксуальных меншасцяў. У часе імправізаванага шэсця ЛГБТ–актывісты раздавалі мінакам інфармацыйныя матэрыялы супраць гамафобіі, паведамляе “Наша ніва”.
Акцыя скончылася без эксцэсаў. За ўскладаннем кветак назіраў невядомы чалавек у цывільным, які здымаў мерапрыемства на відэа.