Беларусы змогуць выжыць за кошт розуму і здольнасці
Такі рэцэпт развіцця на перспектыву сфармуляваў Аляксандр Лукашэнка ў часе нарады па пытаннях развіцця вёскі.
"З гэтага года сеяць будзем так, як ніколі не сеялі. Ніводны кавалачак зямлі не павінен быць неапрацаваны! У кожнай вобласці ёсць лепшыя гаспадаркі — вазіце, вучыце, паказвайце і патрабуйце. І жалезная дысцыпліна для кіраўнікоў і спецыялістаў! Толькі так мы можам выжыць: за кошт розуму — у нас яго хапае, за кошт здольнасці — у нас хапае, як арганізаваць, мы ўмеем і ведаем, на кожным месцы ў нас людзі, якія ўмеюць і ведаюць, як трэба рабіць. Трэба проста спыніць гэтую расхлябанасць!", — цытуе Лукашэнку прэс-служба кіраўніка дзяржавы.
