Берлусконі запрасіў Лукашэнку ў Італію?
Запрашэнне дасланае з нагоды міжнароднай выставы "ЭКСПА-2015", якая пройдзе ў Мілане. Яе тэма — "Накарміць планету".
Запрашэнне даслаў кіраўнік італьянскага ўрада Сільвіё Берлусконі. Нагадаем, што ў 2009 годзе ён асабіста сустракаўся з беларускім лідарам.
Як паведамляе прэс-служба кіраўніка Беларусі, Аляксандр Лукашэнка ў сваім адказе зазначыў, што Беларусь возьме ўдзел ў выставе. Якім будзе гэты ўдзел — не паведамляецца. Нагадаем, што пасля жорсткага разгону мірнай дэманстрацыі 19 снежня 2010 года Лукашэнку забаранілі ўезд на тэрыторыю Еўрасаюзу.
