Без медаля Астапчук беларуская зборная апусцілася на 26-е месца
У медальным заліку ХХХ летніх Алімпійскіх гульняў у Лондане Беларусь страціла тры пазіцыі.
Гэта здарылася пасля дыскваліфікацыі штурхальніцы ядра Надзеі Астапчук, у якой з-за допінг-скандала забралі залаты медаль.
У выніку, беларуская зборная мае 12 узнагародаў (2 залатых і па 5 — срэбраных і бронзавых). Найбольш медалёў у Лондане-2012 заваявала каманда ЗША — 104, з якіх 46 — залатыя.
Фота — daylife.com
