Чалавека года Віцебшчыны судзілі за "экстрэмізм"

12 верасня ў судзе Чыгуначнага раёна Віцебска прайшоў суд над Дзянісам Якаўлевым, галоўным захавальнікам фондаў музея Міная Шмырова. Яго судзілі па артыкуле аб распаўсюджванні "экстрэмісцкіх матэрыялаў". Рашэнне суда невядомае, паведамляе "Віцебская вясна".

Якаўлеў больш за 16 гадоў працуе ў музеі, а таксама з'яўляецца вядомым у Віцебску папулярызатарам гісторыі Вялікай Айчыннай вайны. У 2022 годзе Віцебскі аблвыканкам прысудзіў яму званне "Чалавек года Віцебшчыны" ў намінацыі "сацыяльная сфера".