Будаўнікам абяцаюць 10 млн рублёў, калі спыняць перакуры і п'янства
На сесіі Віцебскага абласнога савета ў аўторак разглядаўся прагноз сацыяльна-эканамічнага развіцця рэгіёну на 2013 год.
Сярод іншых выказаўся і старшыня аблвыканкаму Аляксандр Косінец. Ён спыніўся на сітуацыі ў будаўніцтве. Паводле словаў Косінца, будаўнікі могуць спадзявацца на заробак у 7-10 мільёнаў рублёў. "Толькі трэба працаваць, павышаць вытворчасць працы, спыніць перакуры, п'янства на працоўным месцы", — сказаў старшыня Віцебскага аблвыканкаму.
Аляксандр Косінец запатрабаваў навесці на будаўнічых пляцоўках жорсткую дысцыпліну, інфармуе БЕЛТА.
Фота — bymedia.net
