ЕС асуджае прысуд Андрэю Пачобуту
Прэсавы сакратар вярхоўнага прадстаўніка ЕС па замежных справах і палітыцы бяспекі Майя Качыянчыч назвала гэты вырак “палітычна матываваным”.
“Вырак з’яўляецца чарговым прыкладам пераследу, якія пачаліся пасля выбараў у снежні 2010 года, — сказала Качыянчыч. — Мы заклікаем беларускія ўлады неадкладна спыніць пераслед незалежных СМІ”.
5 ліпеня карэспандэнт “Газеты выборчай” Андрэй Пачобут быў асуджаны да трох год пазбаўлення волі з адтэрміноўкай выканання прысуду за два гады. Журналіста абвінавацілі ў паклёпе на Аляксандра Лукашэнку, паведамляе БелаПАН.
