Футбаліста аштрафавалі за запіс Twitter, у якім ён назваў калегу геем
Штрафныя санкцыі на гульца англійскага "Ліверпуля" Сусо наклала Футбольная асацыяцыя Англіі.
19-гадовы нападаючы павінен выплаціць 10 тысяч фунтаў стэрлінгаў. Акрамя таго, ён папярэджаны адносна сваіх паводзінаў у будучым.
Як паведамляе "Прессбол", Сусо пракаментаваў фотаздымак, які яшчэ адзін гулец "Ліверпуля", таксама іспанец, Хасэ Энрыке выклаў у Twitter. Сусо напісаў, што яго аднаклубнік "з'яўляецца геем" і "ён робіць усё, акрамя гульні ў футбол".
Выказваюцца думкі, што запіс у мікраблогу быў звычайнай падколкай, якую не зразумелі ў кіраўніцтве клуба і федэрацыі.
