Гамельчукам пакажуць восеньскія фотаздымкі з Клермон-Ферана
У межах міжнароднага тыдня франкафоніі ў Гомелі адкрылася фотавыстава "Восеньская мазаіка Клермон-Ферана".
Яна будзе праходзіць у мастацкай галерэі Гаўрылы Вашчанкі з 11 па 22 сакавіка.
Гамельчукі пабачаць каля двух дзясяткаў фотаздымкаў, зробленых мясцовым фотамастаком Віктарам Смольскім у Клермон-Феране – французскім горадзе-пабраціме Гомеля. На здымках прадстаўленыя восеньскія пейзажы французскага горада, яго самыя архітэктурныя выбітнасці, жыццё жыхароў Клермон-Ферана ў будні і святы.
