Магілёўскі лекар дапамагаў хлопцам адкасіць ад войска
Пры атрыманні хабару ўзяты з палічнымі загадчык аддзяленнем нефралогіі абласной лякарні. На медыка завялі крымінальную справу.
Фальшывая даведка аб стане здароўя за подпісам лекара каштавала 4 тысячы долараў, паведамляе тэлерадыёкампанія “Магілёў”. З гэтай даведкай маладыя людзі прызыўнога ўзросту мелі права на атрыманне “белага білета”.
Як высветлілася ў часе следства, толькі ў адным раёне — Мсціслаўскім — дакументы для вызвалення ад службы ў войску ад лекара атрымалі 44 чалавекі.
