Міліцыя адшукае старшыну-"зайца", якога злавіў кантралёр
Сталічная міліцыя праводзіць праверку па факце размешчанага ў інтэрнэце відэа пра тое, як у мінскім аўтобусе злавілі міліцыянта-безбілетніка.
Як інфармуе БелаПАН, цяпер высвятляецца асоба супрацоўніка міліцыі, а таксама абставіны здарэння.
Нагадаем, старшына міліцыі адмовіўся плаціць за праезд і на прыпынку збіраўся выйсці. Але мужчына-кантралёр яго затрымаў ды патрабаваў, каб той заплаціў штраф. Калі міліцыянт штурхнуў яго і кінуўся ў дзверы, кантралёр схапіў яго і не адпусціў. Відэа ў чацвер змясціў сайт naviny.by.
Фота — bymedia.net
