Міліцыя: У парадзе ўдзельнічалі і назіралі за ім 300 тысяч (!) чалавек
З жывой відэатрансляцыі з мерапрыемства склалася ўражанне пра прысутнасць максімум некалькіх дзесяткаў тысяч чалавек.
Паводле звестак сталічнай міліцыі, парад і шэсце прайшлі без здарэнняў. Для аховы парадку быў задзейнічаны ўвесь сталічны гарнізон, уключна з унутранымі войскамі.
Праваахоўнікі сцвярджаюць, што ў свяце ўдзельнічалі і за ім назіралі аж 300 тысяч чалавек, паведамляе БЕЛТА.
Нагадаем, увечары ў Мінску пройдзе гала-канцэрт "Беларусь у маім сэрцы", а ў 23.00 чакаецца святочны салют.
Фота — svaboda.org
