На сёння запланаваная акцыя салідарнасці з палітвязнямі
Яе збіраюцца правесці актывісты “Еўрапейскай Беларусі”.
На сваім сайце удзельнікі гэтай арганізацыі заклікалі усіх неабыякавых выйсці на цэнтральныя плошчы беларускіх гарадоў а 19-ай гадзіне з партрэтамі палітзняволеных. У Мінску акцыя салідарнасці павінна прайсці на Кастрычніцкай плошчы.
Нагадаем, што на дадзены момант у беларускіх турмах знаходзіцца больш за дзесяць чалавек, прызнаных вязнямі сумлення. Сярод іх экс-кандыдаты ў прэзідэнты Андрэй Саннікаў і Мікалай Статкевіч.
