Назвалі лепшых гульцоў адкрытага чэмпіянату Беларусі па хакеі
У Федэрацыі хакею падвялі вынікі сезону 2012/2013 гадоў.
Найлепшым брамнікам прызнаны Дзмітрый Мільчакоў са жлобінскага "Металурга", абаронцам — Андрэй Антонаў з гродзенскага "Нёмана", нападнікам — Андрэй Макроў з "Нёмана".
Арцём Сянькевіч з "Гомеля" названы найлепшым нападнікам абарончага плану, найлепшым маладым гульцом да 20 гадоў — абаронца "Нёмана" Яўген Лісавец, паведамляе БЕЛТА.
Найлепшым бамбардзірам экстралігі стаў эстонскі форвард гродзенцаў Андрэй Макроў. Ён набраў 71 дзейсны бал у 61 паядынку.
Фота — ntv.ru