Някляеву адмовілі ў змене меры стрымання
Суд Цэнтральнага раёна Мінска сёння адмовіў у задавальненні скаргі адвакатаў экс-кандыдата Уладзіміра Някляева на знаходжанне яго пад вартай.
Скаргу некалькі дзён таму падаў у суд адзін з адвакатаў палітыка Уладзімір Букштынаў. Ён прасіў адмяніць у адносінах да Някляева меру стрымання ў выглядзе заключэння пад вартай, прыводзячы ў якасці матыву ў тым ліку і стан здароўя падабароннага.
Суд не знайшоў падставаў для змены меры стрымання ў адносінах да Някляева. Экс-кандыдат у прэзідэнты ў цяперашні час утрымліваецца ў СІЗА КДБ, перадае РІА "Новости".
