А 23-й гадзіне пачнецца ўрачыстая цырымонія адкрыцця ХХХ летняй Алімпіяды
Увагу ўсяго свету ўвечары 27 ліпеня будзе прыцягваць Лондан. Сцэнар свята трымаецца ў таямніцы.
Аднак вядома, што ў адкрыцці Алімпіяды возьмуць удзел вядомы англійскі футбаліст Дэвід Бэкхэм і знакаміты Пол Макартні. Цырымонія распачнецца а 23-й гадзіне па беларускім часе.
Нагадаем, Беларусь на Алімпіядзе прадставяць 166 спартсменаў у 25 відах спорту. Перад імі пастаўлена задача заваявання 25 медалёў, у тым ліку пяці залатых. За "золата" беларускага спартсмена чакае 150 тысяч долараў прызавых, за "срэбра" — 75 тысяч, за "бронзу" — 50 тысяч. Ад сённяшняга дня становіцца "алімпійскім" тэлеканал "Беларусь-2", які штодня 18-19 гадзінаў будзе асвятляць падзеі ў спартовым Лондане.
Фота — mst.by
