"Шахцёр" згуляў унічыю з аўстрыйскім "Рыдам" — 1:1 (відэа)
У Салігорску ў чацвер прайшоў матч 2-га кваліфікацыйнага раўнда футбольнай Лігі Еўропы.
Дзмітрый Асіпенка адкрыў лік на 44-й хвіліне, аднак утрымаць пераможны лік "Шахцёр" не здолеў. У другім тайме госці гулялі актыўна і востра. Лік яны зраўнялі з пенальці на 71-й хвіліне.
Нагадаем, "Гомель" таксама ў матчы 2-га кваліфікацыйнага этапа Лігі Еўропы выйграў у македонскай "Рэновы" — 2:0. Наваполацкі "Нафтан" прайграў у Віцебску вядомаму клубу "Црвена Звезда" з Белграда — 3:4.
Матчы ў адказ — 26 ліпеня.
