Суд над Аляксандрам Атрошчанкавым прызначаны на 1 сакавіка
Пра гэта паведаміла жонка журналіста Дар'я Корсак. Працэс у Фрунзенскім судзе Мінска будзе весці суддзя Таццяна Чаркас.
"Я не разлічваю на тое, што беларускі суд будзе аб'ектыўным. Мой муж — журналіст, і не больш за тое. Казалі, што ён зняты на відэа. Але ён не біў ніякага шкла, нічога не бурыў, яго знялі ў момант, калі ён падышоў, каб даведацца, што за правакацыя адбываецца. Саша быў прэс-сакратаром Андрэя Саннікава. І спецслужбы толькі скарысталіся магчымасцю расправіцца з ім", — распавяла сайту charter97.org Дар'я Корсак.
