У Мінску пройдуць матчы 1/2 фінала Кубка Беларусі па футболе
Сустрэнуцца мінскае "Дынама" і сталічны СКВІЧ (пачатак у 18.30), "Мінск" і жодзінскае "Тарпеда-БелАЗ" (пачатак а 15-й гадзіне).
Абодва матчы пройдуць на штучным полі клуба "Мінск". Адзначым, што СКВІЧ, які прабіўся ў 1/2 фінала Кубка, дагэтуль не атрымаў ліцэнзію на ўдзел у чэмпіянаце Беларусі ў першай лізе. Канчатковае рашэнне ў гэтай справе будзе прынятае 5 красавіка.
Мінскае "Дынама" — галоўны прэтэндэнт на заваяванне ганаровага трафея. У выпадку поспеху каманда Алега Пратасава сёлета стартуе ў Лізе Еўропы з другога раўнда кваліфікацыі.
Нагадаем, фінальны матч Кубка Беларусі прызначаны на 26 траўня.
