У Мінску адкрыюць беларуска-нямецкі цэнтр даследавання біямасы
Такая ўстанова будзе функцыянаваць на базе вучэбна-навуковага комплексу “Волма” пры Міжнародным экалагічным універсітэце імя А.Дз.Сахарава.
З нямецкага боку ў стварэнні цэнтра прымуць удзел Даследчы цэнтр біямасы (Лейпцыг) і Інстытут экалагічных, энергетычных тэхналогій і бяспекі (Аберхаузен). Дзейнасць новай структуры будзе скіраваная на распрацоўку метадалагічнай базы па выкарыстанні біямасы, стратэгіі найлепшага выкарыстання біягазу, перадае БЕЛТА. Пачатак працы цэнтра даследавання біямасы — у траўні гэтага года.
У выпадку паспяховай рэалізацыі праект плануецца тыражаваць і ў іншых рэгіёнах Беларусі.
