Рэйкаваму партызану дадалі два гады калоніі да прысуджаных 23 гадоў
![Дзяніс Дзікун](/sites/default/files/styles/gallery_main/public/2024-06/dzikun-11-06.jpg.webp?itok=Daw2-2ju)
Дзяніс Дзікун / spring96.org
Два гады калоніі па новай крымінальнай справе дадалі рэйкаваму партызану Дзянісу Дзікуну, паведамляюць праваабаронцы "Вясны".
Яго абвінавацілі паводле ч. 2 арт. 411 КК (злоснае непадпарадкаванне патрабаванням адміністрацыі калоніі). Прысуд яму агучыла 25 сакавіка ў судзе Горацкага раёна Наталля Фамічова.
Палітвязень абскардзіў рашэнне суда. Разгляд апеляцыі адбудзецца 18 чэрвеня ў Магілёўскім абласным судзе. Рашэнне будзе прымаць судовая калегія пад старшынствам суддзі Сяргея Каралёва.
Светлагорац Дзяніс Дзікун быў асуджаны на 23 гады пазбаўлення волі. Разам з ім былі асуджаныя Дзмітрый Равіч (на 22 гады) і Алег Малчанаў (на 21 год). Іх абвінавацілі ў падпале рэлейнай шафы сігналізацыі, цэнтралізацыі і блакіроўкі на чыгуначнай станцыі "Жэрдзь-Астанкавічы" на лініі Жлобін-Калінкавічы. Гэта здарылася на чацвёрты дзень расійскай агрэсіі супраць Украіны.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.