Румынская паліцыя дапытвае беларуса, які хацеў даплыць да Паўднёвай Амерыкі
Румынская паліцыя дапытвае 56-гадовага беларуса, які на самаробнай лодцы хацеў даплыць з Украіны да Паўднёвай Амерыкі. Яго затрымалі ў Чорным моры. Мужчыне спатрэбілася меддапамога. Ім займалася і іміграцыйная служба, паколькі беларус незаконна перасёк дзяржаўную мяжу. Як інфармуе БЕЛТА, цяпер румынская паліцыя спрабуе высветліць асобу затрыманага парушальніка.
Па словах начальніка прэс-службы МЗС Беларусі Марыі Ваньшынай, беларуская амбасада знаходзіцца ў пастаянным кантакце з праваахоўнымі органамі Румыніі.
