Сабакі загавораць на англійскай мове: "Хто вы?" (відэа)
Неўзабаве з'явіцца расшыфроўшчык думак сабак. Скандынаўскія спецыялісты рыхтуюць да выпуску “перакладчык з сабачай мовы”.
Распрацоўшчыкі прылады No More Woof спадзяюцца пачаць пастаўкі яе на рынак у красавіку 2014 года, піша Metro. Яна аналізуе вобраз мыслення сабак і адлюстроўвае яго ў англійскай мове. Да цяперашняга моманту ўжо гатовыя ўзоры, якія дазволяць сабаку казаць наступныя фразы: ”я стамілася”, “я ўсхваляваная” і “хто Вы?”.
У будучыні спецыялісты збіраюцца перавесці прыладу і на іншыя мовы, аднак папярэджваюць, што планаваць працяглыя гутаркі з чацвераногім сябрам яшчэ рана. Яны падкрэсліваюць, што пакуль прылада "сырая", патрабуюцца далейшыя даследаванні і выпрабаванні.
