СБУ ведае дакладнае месца запуску ракеты, якой збілі “Боінг”
Пра гэта заявіў на брыфінгу для прэсы кіраўнік дэпартаменту контрвыведкі СБУ Віталь Найда.
Найда нагадаў, што Служба бяспекі Украіны праводзіць расследаванне ў рамках крымінальнай справы па факце тэрарыстычнага акта ў дачыненні самалёта Боінг-777 Malaysia Airlines.
“Мы маем бясспрэчныя доказы, што тэрарыстычны акт быў спланаваны і здзейснены з удзелам прадстаўнікоў Расійскай Федэрацыі”, — прыводзіць словы Найды УНІАН.
Паводле яго словаў, сёння ўсе даследаванні пацвярджаюць, што пуск ажыццяўляўся з тэрыторыі, якую кантралююць сепаратысты. Следства таксама мае доказы, што сістэма “Бук-М1”, з якой стралялі, была перададзеная баевікам Расіяй.
Паводле матэрыялаў расследавання, ракету запусцілі з раёна пасёлка Снежнае. Аднак дакладна невядома, ці наўмысна баевікі стралялі па цывільным самалёце.
“Боінг-777” быў збіты на Данеччыне ракетай 17 ліпеня ўвечары. У вынікі трагедыі загінула 283 чалавекі.
Фота: REUTERS
