Следчы камітэт пачаў крымінальную справу адразу на 231 чалавека

У СК адзначаюць, што ў Мінску затрымалі некаоькі соцень чалавек. "Іх дзеянні былі спалучаныя з відавочным непадпарадкаваннем патрабаванням прадстаўнікоў улады і пацягнулі парушэнне працы транспарту і арганізацый. Таксама пашкоджаныя аб'екты гарадской інфраструктуры і аўтамабіль органаў унутраных спраў", — заяўляе прэс-служба СК.

Цяпер следчыя высвятляюць, хто яшчэ меў дачыненне да падзеяў 1 лістапада.

Можна меркаваць, што менавіта па гэтай справе выставілі абвінавачанне журналістам Змітру Солтану (Буянаву), Змітру Краўчуку і Арцёму Багаслаўскаму, якія супрацоўнічаюць з тэлеканалам "Белсат". Як распавядала Еўрарадыё, іх затрымалі 1 лістапада і прызналі абвінавачанымі па справе аб масавых беспарадках.