Спёка і аранжавы ўзровень небяспекі — якім будзе панядзелак 22 ліпеня
Лета ў Беларусі / Еўрарадыё
Да 31 градуса цяпла чакаецца ў Беларусі ў панядзелак 22 ліпеня. Сіноптыкі аб'явілі з гэтай нагоды аранжавы ўзровень небяспекі. Згодна з імі, наша краіна застаецца ва ўмовах устойлівых паветраных мас.
Чакаецца пераменная воблачнасць. Уначы — без ападкаў. Удзень — кароткачасовыя дажджы з навальніцамі. Вецер няўстойлівы — ад слабога да ўмеранага. У начныя і ранішнія гадзіны магчымы туман.
Ноччу слупок тэрмометра мінімальна апусціцца да +11+16-ці, днём падымецца да +24+31-га па паўднёвым захадзе краіны. Піце шматт вады і не забывайцеся пра галаўны ўбор!
