Стала вядома, дзе ў Мінску найбольшыя канцэнтрацыі кляшчоў
![Праверка тэрыторыі на наяўнасць кляшчоў / "Мінск-Навіны"](/sites/default/files/styles/gallery_main/public/2023-08/kliaszczy-2306.jpg.webp?itok=g9Rhy6cF)
Праверка тэрыторыі на наяўнасць кляшчоў / "Мінск-Навіны"
На некаторых тэрыторыях Мінска канцэнтрацыя кляшчоў перавышае дапушчальную. Пра гэта паведаміў намеснік галоўнага лекара Мінскага гарадскога цэнтра гігіены і эпідэміялогіі Рыгор Гецюк.
Санстанцыя, па яго словах, правяла на гэтым тыдні паўторнае абследаванне гарадскіх зон рэкрэацыі і лесапаркаў на наяўнасць кляшчоў.
"Перавышэнне па колькасці кляшчоў выяўлена ў лесапарку Уручча, лесапаласе на вуліцы Скарыны, лесапарку ў Зялёным Лузе, у раёне станцыі Сасновы Бор Дзіцячай чыгункі, у лесапарку ў раёне вуліцы Маршала Лосіка і вуліцы Семянякі, на пляжы №2 Цнянскага вадасховішча і ў прылеглым да яго лясным масіве", — перадаюць "Мінск-Навіны" словы Гецюка.
Мінскай лесапаркавай гаспадарцы прапанавалі правесці акарыцыдныя апрацоўкі названых тэрыторый. Мінгарвыканкам паабяцаў дапамогу прадпрыемству.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.