Суп з новага меню ў школах: чаканне і рэальнасць
Ілюстрацыйнае фота
У телеграм-каналах з'явіліся фатаграфіі кволенькага супу з батонам, які даюць у сталовых слонімскім школьнікам і ліцэістам. За два рублі школьнікам прапануюць булён з сухарамі і другую страву.
Вядучы інжынер-тэхнолаг упраўлення адукацыі Слонімскага райвыканкама Наталля Крывапуст распавяла выданню s13, што гэта проста праверка новага меню:
"З 4 лютага 2019 года ў школах Слонімскага раёна апрабуецца новае меню. У меню ўвайшлі новыя стравы са зборніка рэцэптур, якія раней былі незнаёмыя дзецям: запяканка маркоўная з тварагом, бульбяныя аладкі са свежай капустай і морквай, рыба, запечаныя з морквай, рыбнік, рыс з гароднінай, суфле курынае, бабка бульбяная са свінінай, суфле тварожнае , булён курыны з грэнкамі. На працягу двух тыдняў вывучаецца спажывецкі попыт на новыя стравы, меркаванне вучняў і іх законных прадстаўнікоў".
Пасля двух тыдняў яго тэставання ў меню абяцаюць ўнесці змены з улікам запытаў дзяцей і іх бацькоў.
Тэхналагічная карта для гатавання булёну курынага з грэнкамі ўзятая са зборніка тэхналагічных карт страў і вырабаў для дзяцей, зацверджанага пастановай Міністэрства гандлю Рэспублікі Беларусь ад 2015/06/16 № 18.
Мы знайшлі тэхналагічную карту курынага булёну з грэнкамі. У ёй прапісаныя ўсе нюансы: знешні выгляд, колер булёну, смак, пах і кансістэнцыя. Рэцэптура здзіўляе сваёй разнастайнасцю: булён курыны (мясны) і грэнкі з пшанічнага хлеба. Порцыя складаецца з 200 мл булёну і 10 грамаў грэнак.
Па вонкавым выглядзе булён павінен быў празрыстым, на паверхні павінны быць слабазаўважныя блёсткі тлушчу з раўнамерна нарэзанымі (10х10) кубікамі пшанічнага хлеба. Колер булёну ад светла-жоўтага да жоўтага са светла-карычневым адценнем. Густ павінен быць характэрным для курынага (мяснога) булёну і гародніны. Па кансістэнцыі грэнкі павінны быць шчыльныя і хрусткія.
У прынцыпе, падобна на тое, што падаюць дзецям у школах. Праўда, дзесьці адыходзяць ад рэцэптуры і нават дадаюць надранай морквы.
