Суседзі Беларусі пераходзяць на зімовы час у ноч на 30 кастрычніка
У Беларусі гадзіннікі не пераводзяць ужо больш за дзесяць гадоў / Shutterstock
У апошнія выходныя кастрычніка, у ноч з 29 на 30 кастрычніка 2022 года суседзі Беларусі пераходзяць з летняга на зімовы час. Стрэлкі гадзіннікаў у краінах ЕС і ва Украіне будуць пераведзеныя з 3:00 на 2:00. У Беларусі і Расіі час не зменіцца.
Беларусь адмовілася ад пераходу з летняга на зімовы час яшчэ 11 гадоў таму. Адпаведна, розніца з Варшавай у Мінска з 30 кастрычніка будзе 2 гадзіны, а з Вільняй і Кіевам — 1 гадзіну.
Пераводзяць гадзіннікі зімой для таго, каб рацыянальна выкарыстоўваць светлавы дзень. Праўда, многія еўрапейцы не падтрымліваюць пераход з аднаго часу на іншы — напрыклад, хацелі б адмовіцца ад гэтага амаль 80% палякаў.
