Сусветныя кошты на нафту дасягнулі новага рэкорднага мінімуму

Нафта маркі Brent у панядзелак, 5 студзеня, дасягнула новага мінімуму з 2009 года. Адбылося гэта на фоне чакання празмернасці прапановы чорнага золата.

Кошт лютаўскіх ф'ючэрсаў на лёгкую нафту маркі WTI апускалася да 51,74 долара за барэль, зніжаючыся на 1,80%. Кошт лютаўскіх ф'ючэрсаў на нафту маркі Brent апусцілася да 55,54 долара за барэль, знізіўшыся на 1,56%, паведамляе РІА "Новости".

Нагадаем, у лістападзе 2014 года краіны-чальцы АПЕК вырашылі захаваць квоту на здабычу нафты на ўзроўні 30 млн барэляў за дзень, нягледзячы на катастрафічнае падзенне цэнаў на нафту.

Reuters цытуе словы прадстаўніка буйной брокерскай фірмы Newedge Japan Юсукі Сета: "Малаверагодна, што попыт на нафту будзе моцным у бягучым годзе, калі мы глядзім на стан эканомік Кітая, Японіі і Еўропы".

Фота: АР