Сяргей Чэрачань пахваліўся, што падстрэліў мядзведзя
Сяргей Чэрачань з трафеем / @zacherechen / @zacherechen
Удзельнік прэзідэнцкіх выбараў 2020 года Сяргей Чэрачань расказаў, што падстрэліў мядзведзя. У якасці пацверджання ён апублікаваў фота з трафеем. Чэрачань прызнаўся, што аддае перавагу паляванню ў Расіі. Гэтым разам ён быў у Валагодскай вобласці, бо "тут папуляцыя мядзведзя перавышае 10 000 асобін", і мядзведзя можна сустрэць "пад кожным кустом".
Па словах Чэрачня, паляванне для яго — гэта "магчымасць абстрагавацца ад гарадской мітусні і прабавіць некалькі дзён без тэлефона і са сваімі сябрамі". Пры гэтым ён кажа, што не з'яўляецца заўзятым паляўнічым, што для яго важны "сам факт спакойнага яднання з прыродай і магчымасць пабыць сам-насам з сабой". Ён таксама перакананы, што паляванне дапамагае выпрацоўваць характар — тут ёсць мэта і секунды для прыняцця рашэння.
Нагадаем, на выбарах 2020 года, паводле афіцыйных звестак ЦВК Аляксандра Лукашэнкі, Чэрачань набраў крыху больш за 1% галасоў. Тым не менш гэтым летам палітык заявіў, што збіраецца ўзяць удзел і ў наступнай выбарчай кампаніі.
