Сяргей Гайдукевіч стаў чальцом Савета Рэспублікі
![Сяргей Гайдукевіч стаў чальцом Савета Рэспублікі](/sites/default/files/styles/gallery_main/public/2023-08/hajdukievi4-1309.jpg.webp?itok=FNMYvdt-)
Кіраўнік Ліберальна-дэмакратычнай партыі Сяргей Гайдукевіч абраны ў Савет Рэспублікі ад Мінскай вобласці. Выбары адбываліся на пасяджэнні дэпутатаў усіх узроўняў Міншчыны, якое прайшло 13 верасня ў Маладзечне.
У каментары Еўрарадыё Гайдукевіч распавёў, што ён выступіў перад дэпутатамі без паперкі, распавёў пра сябе. Пераважную большасць прысутных, па яго словах, склалі прадстаўнікі "Белай Русі" і Камуністычнай партыі.
Гайдукевіч: "Расказаў сваю біяграфію, расказаў пра сваё палітычнае бачанне. У зале сядзелі і з Камуністычнай партыі, і з "Белай Русі". Маіх ідэалагічных прыхільнікаў было не так багата..."
Еўрарадыё пацікавілася, якіх мэтаў хоча дасягнуць новаабраны сенатар. На гэта Гайдукевіч заявіў, што мае шмат планаў, але спярша яму трэба спыніцца і агледзецца.