Сёлета валютная выручка Беларусі скарацілася на 6,5 млрд долараў

Паступленні ад экспарту тавараў склалі амаль 30 млрд долараў і знізіліся на 20% (або 7,5 млрд долараў) у параўнанні са студзенем-кастрычнікам 2012 года.

Міністэрства эканомікі тлумачыць зніжэнне беларускага таварнага экспарту змяншэннем попыту на беларускую прадукцыю.

БелаПАН нагадвае, што скарачэнне беларускага экспарту ў студзені-кастрычніку ў параўнанні з аналагічным леташнім перыядам абумоўлена таксама амаль поўным спыненнем паставак на знешнія рынкі растваральнікаў і змазачных матэрыялаў.

Як паведамлялася раней, у жніўні 2012 года Беларусь амаль поўнасцю спыніла экспарт растваральнікаў і змазачных матэрыялаў. На гэты крок кіраўніцтва краіны пайшло па патрабаванні Расіі, якая стала падазраваць, што Беларусь пад выглядам растваральнікаў і змазачных матэрыялаў пастаўляе на знешнія рынкі нафтапрадукты, што дазваляла рэспубліцы не пералічваць пошліны ў расійскі бюджэт.
 

Фота — Fotolia