Таццяна Караткевіч заклікала выбарцаў не галасаваць датэрмінова
Кандыдатка ў прэзідэнты Таццяна Караткевіч размясціла ў сацсетках зварот да выбарцаў з нагоды датэрміновага галасавання. Яна нагадала, што датэрміновае галасаванне на прэзідэнцкіх выбарах стартуе 6 кастрычніка.
"Аднак усіх вас я запрашаю галасаваць 11 кастрычніка. Бо менавіта датэрміновае галасаванне дае магчымасць фальсіфікаваць вынікі выбараў", — заявіла палітык.
Яна нагадала, што закон забараняе прымушаць выбарцаў галасаваць датэрмінова. Пра выпадкі такога прымусу Караткевіч прапанавала паведамляць у яе штаб.
