У Баранавічах дзейнічаюць злодзеі-«рэпарцёры»

Своеасаблівы кватэрны крадзёж зарэгістраваны ў Баранавічах. Да пенсіянеркі завіталі дзве незнаёмыя жанчыны. Яны прадставіліся супрацоўніцамі мясцовай тэлестудыі «Intex» і папрасілі даць інтэрв’ю. Пакуль адна з візіцёрак распытвала бабульку пра жыццё і лёс, другая агледзела кватэру.

Пасля іх сыходу гаспадыня выявіла знікненне 2050 долараў і 900 тысяч рублёў. Прыкметаў «рэпарцёрак» яна не запомніла, бо мае кепскі зрок.

Алесь Літоўчык, Еўрарадыё, Баранавічы