У Беларусі без святла былі больш за 800 населеных пунктаў
![Ліквідацыя наступстваў стыхіі ў Мінску](/sites/default/files/styles/gallery_main/public/2023-10/2244.jpg.webp?itok=t2Fsqm12)
Ліквідацыя наступстваў стыхіі ў Мінску / t.me/mgjha/
У Беларусі за мінулыя суткі электрычнасць вярнулі ў больш за 800 населеных пунктаў. Парывы ветру дасягалі 25-30 м/с (больш, чым прагназавалі сіноптыкі). Найбольш ад непагадзі пацярпелі Мінская, Гродзенская і Віцебская вобласці. Моцны вецер ламаў галіны і дрэвы, якія падалі на лініі электраперадачы. У аднаўленчых працах па краіне было задзейнічана 242 адзінкі тэхнікі і 631 чалавек, паведамляе "Белэнерга".
Раніцай 9 кастрычніка аднаўленчыя працы яшчэ ідуць у 11 населеных пунктах.
У панядзелак на ўсходзе Беларусі заходні вецер будзе з парывамі да 15-20 м/с. Амаль па ўсёй краіне чакаюцца дажджы, а месцамі і мокры снег.
![У Беларусі без святла былі больш за 800 населеных пунктаў](/sites/default/files/styles/default_image_paragraph/public/paragraphs/image/33_40.jpg.webp?itok=lcdJVowb)
![У Беларусі без святла былі больш за 800 населеных пунктаў](/sites/default/files/styles/default_image_paragraph/public/paragraphs/image/22_96.jpg.webp?itok=0Eo58RwS)
![У Беларусі без святла былі больш за 800 населеных пунктаў](/sites/default/files/styles/default_image_paragraph/public/paragraphs/image/23_32.jpg.webp?itok=i1oqAEnj)
![У Беларусі без святла былі больш за 800 населеных пунктаў](/sites/default/files/styles/default_image_paragraph/public/paragraphs/image/24_15.jpg.webp?itok=Zap2U7CX)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.