У Беларусі налічылі 432 тысячы ўдзельнікаў навагодніх мерапрыемстваў
У ноч на 1 студзеня яны святкавалі прыход 2014 года на вуліцах і плошчах гарадоў.
На вуліцах беларускай сталіцы святкавалі 80 тысяч чалавек.
Як адзначае БЕЛТА, за грамадскім парадкам сачылі тысячы міліцыянтаў і байцоў унутраных войскаў. У гэтыя дні яны нясуць службу ва ўзмоцненым рэжыме. Аднак навагодняя ноч атрымалася дастаткова спакойнай. Праўда, без няшчасных выпадкаў не абышлося. Ад піратэхнікі пацярпелі і звярнуліся ў медустановы 7 чалавек, сярод іх — двое непаўналетніх. Гэта, дарэчы, менш, чым было год таму.
