У Беларусі пракурор просіць пакараць Ціханоўскую і Латушку 19 гадамі калоніі

Завочны працэс над апазіцыйнымі палітыкамі ў Беларусі набліжаецца да трагікамічнай развязкі. 27 лютага стала вядома, што пракурор Міхаіл Кавалёў просіць пакараць Святлану Ціханоўскую і Паўла Латушку 19 гадамі калоніі, Марыю Мароз, Вольгу Кавалькову і Сяргея Дылеўскага — 12 гадамі (для Латушкі і Дылеўскага — узмоцненага рэжыму, для астатніх — агульнага). Таксама ён просіць прызначыць Ціханоўскай штраф — 37 тысяч рублёў, а з Латушкі спагнаць суму, эквівалентную 10 тысячам долараў.

Мерапрыемства праходзіць у Мінскім гарадскім судзе з 17 студзеня, суддзя — Пётр Арлоў.

Святлане Ціханоўскай інкрымінуецца 10 артыкулаў Крымінальнага кодэкса. Сярод іх — "стварэнне экстрэмісцкіх фармаванняў і кіраўніцтва імі, учыненыя паўторна", "здрада дзяржаве", "падрыхтоўка да захопу і ўтрымання будынкаў і збудаванняў", "публічныя заклікі да захопу дзяржаўнай улады". Палітык назвала гэты працэс "у парадку спецыяльнай вытворчасці" "фарсам".

У РБ завочныя суды ўвялі з мінулага года, паколькі не могуць дабрацца да палітуцекачоў, якія знаходзяцца за мяжой. Першы завочны прысуд у Мінску вынеслі ў снежні 2022-га. Аляксандра Апейкіна і Аляксандру Герасіменю "пакаралі" за іх дзейнасць у Беларускім фондзе спартыўнай салідарнасці і прысудзілі па 12 гадоў калоніі кожнаму. "Завочна вы мяне можаце нават расстраляць!", — заявіла Герасіменя.