У Беларусі шукаюць людзей, якія нарадзіліся 3 ліпеня 1944 года
Яны атрымаюць грашовы падарунак у памеры 1 мільёна беларускіх рублёў.
У гонар 70-годдзя вызвалення Беларусі ад нямецка-фашысцкіх захопнікаў. Праўда, на грашовы прыз могуць прэтэндаваць толькі беларусы, якія нарадзіліся 3 ліпеня 1944 года на тэрыторыі БССР і зараз жывуць у нашай краіне.
Такую акцыю арганізуюць Нацыянальныя спартыўныя латарэі сумесна з Міністэрствам спорту і турызму, інфармуе БелаПАН.
Як вядома, 3 ліпеня 1944-га быў вызвалены ад нямецкіх захопнікаў Мінск. У гэты дзень адзначаецца Дзень Незалежнасці Рэспублікі Беларусь.
