У Чэрвеньскім раёне ў аварыі загінула 4-гадовая дзяўчынка
![На месцы трагічнага здарэння / МУС РБ](/sites/default/files/styles/gallery_main/public/2023-08/52_2.jpg.webp?itok=yCKq6UhN)
На месцы трагічнага здарэння / МУС РБ
24 ліпеня каля 18-й гадзіны каля вёскі Стары Пруд у Чэрвеньскім раёне Мінскай вобласці ў аварыі загінула 4-гадовая дзяўчынка. Разам з 13-гадовай (па версіі СК, 14-гадовай) сястрой яна ехала ў кабіне грузавіка Iveco, якім кіраваў бацька, 34-гадовы жыхар Крупскага раёна. У нейкі момант грузавік занесла і ён сутыкнуўся з раздзяляльнай агароджай.
Малодшую дачку выкінула праз бакавое шкло кабіны, яна трапіла пад колы аўтамабіля і загінула на месцы здарэння. У іншай дзяўчынкі папярэдне дыягнаставалі пералом ключыцы. Прэс-служба МУС падкрэслівае, што дзеці перавозіліся з парушэннем правілаў дарожнага руху.
Як паведамляе Следчы камитэт, у дачыненні кіроўцы распачатая крымінальная справа. Артыкул — "парушэнне правілаў дарожнага руху, якое пацягнула па неасцярожнасці смерць чалавека".
![У Чэрвеньскім раёне ў аварыі загінула 4-гадовая дзяўчынка](/sites/default/files/styles/default_image_paragraph/public/paragraphs/image/53_1.jpg.webp?itok=oQpYowDa)
![У Чэрвеньскім раёне ў аварыі загінула 4-гадовая дзяўчынка](/sites/default/files/styles/default_image_paragraph/public/paragraphs/image/54_5.jpg.webp?itok=QF6BfRn8)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.