У ЕАБР выказалі здагадку, за кошт чаго выраслі ЗВР Беларусі
Золата вырасла ў кошце / ілюстрацыйнае фота pixabay.com
У Еўразійскім банку развіцця растлумачылі, што паўплывала на рост золатавалютных рэзерваў Беларусі ў студзені. Нагадаем, на 1 лютага ЗВР РБ склалі 8,1 млрд долараў, гэта на 200 мільёнаў больш, чым на пачатак года.
"Павелічэнню рэзерваў спрыяў рост сусветных коштаў на золата (на 6% за перыяд з 31 снежня да 31 студзеня), а таксама купля Нацыянальным банкам замежнай валюты на ўнутраным рынку", — кажуць у ЕАБР.
Нагадаем, з лета Нацыянальны банк Беларусі публікуе толькі інфармацыю пра аб'ём міжнародных рэзервовых актываў. Ён больш не прыводзіць дэталёвых звестак пра структуру ЗВР і не расказвае пра фактары, якія паўплывалі на іх змяненне.
