У Еўрапарламенце не змаглі сфармаваць блок анты-ЕС
Правых радыкалаў не здолела сабраць да пачатку сэсіі лідар французскага Нацыянальнага фронту Марын Ле Пэн.
Для фармавання фракцыі ў Еўрапарламенце неабходна, каб у яе складзе было не менш за 25 дэпутатаў з 751. Яшчэ адной умовай з'яўляецца тое, што дэпутаты, якія ўваходзяць у склад фракцыі, мусяць прадстаўляць не менш за сем партый краін Еўрасаюза.
РІА "Новости" адзначае, што Ле Пэн планавала сфармаваць кааліцыю Нацыянальнага фронту і Партыі свабоды пад кіраўніцтвам Гірта Вілдэрса. Таксама яна спадзявалася на падтрымку прадстаўнікоў італьянскіх, аўстрыйскіх, фламандскіх і польскіх скрайне правых партый.
Як вядома, лідар Нацыянальнага фронту выказвалася ў падтрымку палітыкі расійскага прэзідэнта Уладзіміра Пуціна ва Украіне.
Фота — АР
