У фрыстайліста Антона Кушніра нарадзілася чацвёртае дзіця
У беларускага фрыстайліста, алімпійскага чэмпіёна Антона Кушніра 2 снежня нарадзілася чацвёртае дзіця — дачка. Як інфармуе сайт kp.by, яе вага — 3250 грамаў, рост — 51 см. Імя дзяўчынцы яшчэ не прыдумалі. Цяпер у шчаслівага шматдзетнага бацькі (а ён знаходзіцца на зборах у Фінляндыі) тры дачкі і сын.
"Я вось парадаваўся і далей працаваць — час скакаць!" — сказаў Кушнір.
Антону Кушніру 34 гады. Алімпійскім чэмпіёнам ён стаў на Гульнях у Сочы.
