У Гомелі напалі на 80-гадовую жанчыну, забралі сумку з прадуктамі і грошы
![У Гомелі напалі на 80-гадовую жанчыну, забралі сумку з прадуктамі і грошы](/sites/default/files/styles/gallery_main/public/2023-08/homelp.jpg.webp?itok=P576bUCz)
У Гомелі напалі на 80-гадовую жанчыну, забралі сумку з прадуктамі і грошы. Пры гэтым пенсіянерцы зламалі палец рукі. Зламысніка затрымалі.
Як паведамляе прэс-служба МУС, мужчына зайшоў у пад'езд дома за жанчынай. Каля ліфта ён выхапіў у яе сумку, у якой былі прадукты і 350 рублёў, і ўцёк. Яго шукалі з дапамогай камер відэаназірання і з далучэннем экспертаў.
Высветлілася, што напад здзейсніў 40-гадовы мужчына, які раней неаднаразова меў праблемы з законам. Ён пакінуў сумку з прадуктамі свайму знаёмаму, а сам паехаў у Мінск. Яго затрымалі на наступны дзень па прыкметах на чыгуначным вакзале. Распачата крымінальная справа.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.