У Гомелі вядомы сілавік судзіцца з УУС і МУС Беларусі
Віктар Яўстаф'еў (справа) / sk.gov.by
У Гомелі вядомы сілавік Віктар Яўстаф'еў судзіцца з УУС аблвыканкама і МУС Беларусі. 12 снежня яго іск разгледзіць Гомельскі абласны суд, заўважыў "Флагшток". Яўстаф'еў працаваў начальнікам аддзела ўпраўлення па барацьбе з эканамічнымі злачынствамі і часта выступаў у СМІ.
Прадмет спрэчкі ў раскладзе суда пазначаны, як "скарга на рашэнне начальніка УУС аб прыцягненні да дысцыплінарнай адказнасці, накіраванні на пазачарговую атэстацыю, адмене загадаў начальніка УУС... [ад жніўня 2024-га] у частцы прымянення дысцыплінарных спагнанняў, прызнанні характарыстыкі неаб'ектыўнай, на заключэнне службовай праверкі Міністэрства ўнутраных спраў Беларусі".
Іск міліцыянера ўжо разбіралі ў судзе Цэнтральнага раёна Гомеля. Абласны суд разгледзіць апеляцыю на яго рашэнне.
