У Гомельскай епархіі выявілі ўнікальны абраз XVI стагоддзя (фота)

Падчас рэстаўрацыйных работ у Гомельскім епархіяльным упраўленні праваслаўнай царквы праступіў абраз "Маці Божая". Як выявілася, абраз быў напісаны каля 400 гадоў таму ў традыцыях італьянскага Рэнесансу.

Як перадае tut.by, абраз знайшоў у вёсцы Уза Гомельскага раёна і даставіў у рэстаўрацыйную майстэрню япіскап Гомельскі і Жлобінскі Стэфан. Старадаўні жывапіс быў схаваны пад напластаваннямі больш новай фарбы.

Рэстаўратар Гомельскай епархіі Алена Папова кажа, што нават самая асцярожная ацэнка дазваляе аднесці першапачатковую выяву Багародзіцы да XVII стагоддзя. Больш смелае датаванне дазваляе меркаваць, што абраз напісаны ў канцы XVI — пачатку XVII стагоддзя.

На абразе — выява юнай Божай Маці з Дзіцяткам Ісусам на руках. Яна стаіць на паўсферы Зямлі, на якую яна прынесла Сына Божага. Дарэчы, на твары "гомельскай" Мадоны — загадкавая ўсмешка, якая чымсьці нагадвае ўсмешку Джаконды.

Можна меркаваць, што абраз мае складаную гісторыю. Калі яму рабілі рэнтгенаўскі здымак, то выявілі, што твор начынены металам. Пры зняцці верхняга маляўнічага пласта адкрыліся прабоіны — у абраз стралялі свінцовым шротам. Абраз мог пацярпець падчас ваенных падзей альбо ад рук вандалаў.

Фота: tut.by