У Гродне неспрактыкаваны кіроўца на BMW заехаў у Фарны касцёл
У Гродне неспрактыкаваны кіроўца на BMW заехаў у Фарны касцёл (касцёл святога Францыска Ксаверыя). Здарэнне адбылося ўначы. Мяркуецца, што 23-гадовы кіроўца няправільна абраў хуткасць, не саўладаў з кіраваннем, і аўтамабіль апынуўся на тратуары, а пасля сутыкнуўся з фасадам храма. BMW атрымаў пашкоджанні, у кіроўцы былі нязначныя траўмы, для аказання меддапамогі яго завезлі ў бальніцу.
Прэс-служба ДАІ Гродзенскай вобласці паведамляе, што пасведчанне кіроўцы хлопец атрымаў у студзені сёлета.
vk.com/grodnogai
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
