У Гродне знеслі знакамітую грамадскую прыбіральню-"метро" (фота)

У Гродне знеслі знакамітую грамадскую прыбіральню-"метро". Яна дзейнічала на Савецкай плошчы, насупраць Фарнага касцёла, амаль 70 гадоў. "Гродзенскім метро" прыбіральню называлі з-за вонкавага выгляду і вялікай літары "М", інфармуе сайт hrodna.life.

Прыбіральню зачынілі на рамонт ў 2016 годзе і ўжо не адкрывалі. Падземныя памяшканні будуць засыпаныя, у будучым годзе на тым месцы з'явяцца кветнікі.