У Гродне зніклі вулічныя паказальнікі з лацінкай

У Гродне зніклі вулічныя паказальнікі з лацінкай. У выніку на выхадных турыстаў на гарадскіх вуліцах сустракалі пустыя слупы. Раней на іх былі паказальныя знакі з назвамі вуліц і славутасцей. Зверху інфармацыя пісалася на беларускай мове кірыліцай, а ўнізе тое самае дублявалі лацінкай, піша "Наша ніва".

У красавіку стала вядома, што рэжым Аляксандра Лукашэнкі адмяняе беларускую лацінку пры перадачы беларускіх геаграфічных назваў на іншых мовах. Замест беларускай лацінкі ўвялі транслітарацыю па правілах англійскай мовы. Супраць выкарыстання беларускай лацінкі выступалі прарасійскія актывісты, а сярод іх — Вольга Бондарава. Беларуская лацінка пачала знікаць з прыпынкаў грамадскага транспарту ў Мінску, з станцый метро.

У РБ збіраюцца цалкам пазбавіцца ад лацінкі на дарожных знаках да канца года.